2º día de Campa

Ola de novo!!

Aquí estamos outra vez. Voltamos para contarvos o que nos aconteceu durante o día de hoxe.

Despois dunha limpeza xeral, non todo foi fantástico, pois veu Virxinia a rifarnos polos nosos descoidos... A continuación amosáronnos unha interesante presentación sobre o que pasaría si se esgotase a auga, un recurso natural tan importante. Logo dividíronnos en equipos para disfrutar con xogos relacionados cos valores. Estabamos un pouco adurmiñados polo que os xogos non resultaron tan entretidos como debían. Despois comezou a conta atrás, no que puxemos en xogo os minutos de partido que íamos ver. Fumos xantar guiso e filete de polo ambolos dous boísimos!!. Voltamos á casa e mudamos a roupa para poder ir despois á piscina. Acto seguido realizamos uns banderins para un gran acontecemento: O PARTIDO DE ESPAÑA. Quedáronnos estupendas e puximos moito agarimo para que quedaran ven e logo o momento máis desexado do día: a piscina.

Entre risas, chapuzóns e alegría, pasáronse as dúas horas voando e costounos moito sair da auga cando Estela tocou o silbato.

Chegamos de volta mortos de fame e sen poder merendar, pois íamos cear moi cedo para ver o partido. Tivemos tempo para divertirnos cos nosos amigos e chegou o momento (a cea tamén deliciosa!!!) o partido de España-Rusia que comenzamos estando moi calados e pouca xente. Na segunda metade estivemos alborotados e xa estabamos todos. O primeiro gol foi festexado entre risas e palomitas (cedidas moi xentilmente por Virxinia). O segundo gol ocorreu de súpeto cando ninguén o esperaba e o terceiro derradeiro foi recibido entre a ilusión e a esperanza da final e tamén baixo a promesa de Agus de bañarnos na piscina........... "o día seguinte" jajajaj

Continuará

Comisión redactora do Blog Campa ´08